41歲鄧健泓:「 TVB根本想我死,佢地有心玩死我,還定都唔做,我而家要爆內部D衰野出黎」

teck1985     2016-11-20     473     檢舉

41歲鄧健泓:「 TVB根本唔想我存在,佢地有心玩死我,還定都唔做,我而家要爆內部D衰野出黎」

41歲鄧健泓:「 TVB根本想我死,佢地有心玩死我,還定都唔做,我而家要爆內部D衰野出黎」

GreatDaily

對上嗰次拍劇係《使徒行者》,對上嗰次螢光幕露面係兩年前信貸廣告雜誌,唔講我以為兩年前鄧健泓巳經係自由身。

直到年頭打電話去約訪問,至知佢同大台份約今個月中才屆滿:「麻煩你哋等多我兩個月,如果佢哋有心玩,真係會玩死我!」

同大台關係急轉直下,外傳原因有兩個版本,其一當然是陳志雲出事,昔日迷雲黨一概失勢;其二,則是去年辭演《潮流教主》,拒絕同龔嘉欣舊情被擺上檯,得罪大台。

非會員才能看廣告~

鄧健泓笑了:「我知自己咩位,我都未去到可以因為唔聽教聽話俾人雪嘅位,冇工開呢兩年係因為佢哋根本唔記得有我呢個人存在……」

出道二十年,演戲唱歌主持都叫做有過代表作,咁大個人都見你唔到?好出奇咩?其實擺喺大台又的確唔出奇,正所謂朝中有人好辦事,呢啲係叫做成也志雲,敗也志雲呢?

從 07年開始被人當成迷雲黨,人人知道他叫陳志雲做 Honey,三月中滿約離巢,鄧健泓一邊冒著被寫成翻兜的危險現身支持陳志雲宣判,一邊選擇在港台(陳志雲現任商台首席智囊)重新開始,以獨立身份演舞台劇,做製作人,他說一切是真的刻意:刻意在想所有人除咗副有色眼鏡,我唔係黃馬褂,我靠嘅係自己!」

Sponsored Links

只要堅持,只要相信!

41歲鄧健泓:「 TVB根本想我死,佢地有心玩死我,還定都唔做,我而家要爆內部D衰野出黎」

GreatDaily

非會員才能看廣告~

女友石詠莉隻碟攞咗 IFPI兩個獎?

係,一個係全年十大暢銷唱片……其實佢係 Top 3、 Top4㗎,另一個係十大暢銷女歌手。舉個例,譬如話容祖兒 15年出咗兩隻碟,佢哋會累積兩隻碟銷量……但係我哋出咗一隻碟咋!

Sponsored Links

笑得好自豪喎!係唔係覺得吐氣揚眉?

係! Sukie同我情況唔可以話相似,但的確有雷同。我一直覺得佢唱歌好動人,一把咁好聽嘅聲應該要多啲人聽到,我想人哋可以忘記以前嘅嘢,由把聲開始重新認識佢……當然一開始冇諗住自己俾錢,諗住去敲下唱片公司門先啦……但係得番嚟嘅回響都係信唔過、有啲說話令人唔舒服,都係覺得以前嘅 Freeze太多新聞。唔緊要,我都學到嘢嘅,呢幾年你問我學到啲咩,就係堅持,就係要用自己雙手去創造機會。呢啲機會唔係令你飛黃騰達,但做咗之後一定有嘢發生,一定會引領我哋去一啲地方……去到邊發生咩事冇人知,但係你唔做,就肯定冇嘢發生!

非會員才能看廣告~

Sponsored Links

你同我講咗兩次「相信就會有」,點解成日掛喺口邊?

睇本書《 Secret》睇番嚟,人要正能量,要信,至會有好事發生㗎!

但人生總有啲時候,覺得個天玩緊你,根本信咩都冇用?

有!梗係有,我試過 06年離開 TVB,去大陸拍劇又收唔到錢,我當家㗎,要供妹妹讀書㗎,我要養媽咪冇爹哋㗎!嗰陣時好辛苦,最難過……再前小小一樣唔好過,唱片約冇咗, TVB又換咗經理人,嗰年連原子鏸都同我分開,一次過變咗三失青年。

爸爸喺你幾多歲拋妻棄子?

我 22歲,佢去咗南非,跟住識咗第二個女人有咗第二頭家……嗰年我仲喺外國讀緊 Fine Arts,本來成績好到未畢業 University of Calgary同 University of Alberta兩間大學已經提早收咗我。但當屋企冇咗經濟支柱,我就要返嚟做一家之主,入咗 TVB做兒童節目(參加 96年新秀)……其實我坐緊學行車嗰陣時,佢同媽咪都已經分開咗,我嘅成長畫面不嬲都冇爸爸。

Sponsored Links

非會員才能看廣告~

呢種成長對你今時今日有咩影響?

絕對有,所以我最憎冇責任嘅男人,我就係大男人……

大男人到點呢?

出街食飯我一定要做俾錢嗰個,冇錢咪唔出街囉……大嘅,我係嗰啲唔想女朋友拋頭露面嘅人。

蜜糖功能係療傷!

但係你個個女朋友都做呢行,點會唔拋頭露面?

係,但係我嘅意思係唔鍾意佢哋太暴露,太性感。

咁大男人,當你事業失意時,會唔會好容易俾女朋友無心一句踩親條尾?
有㗎,我以前脾氣差過而家好多,尤其係冇碟出嗰陣時,女朋友講一句啫:「阿邊個邊個唱得幾好喎!」我就會妒忌,就會嬲:「好好咩?家我唱得唔好咩?做咩啫?好鍾意佢咩你家?」

有冇咁樣搞到分手?
我歷屆女朋友大家都識, Marsha(原子鏸), Selina(李施嬅), Katy(龔嘉欣),佢哋個個都係好女仔,某程度上我哋係因為了解而分開。再講人大咗,需要嘅嘢會變,當大家覺得都俾唔到大家需要嘅嘢,就會決定分開。

某程度上條路行到家都係爸爸唔理你造成,憎唔憎佢?
我嬲佢就梗嘅,當我要幫妹妹交學費,當我唔識填報稅表,亂填搞到啲稅好貴嘅時候,當我好貧乏嘅時候,我真係好憎佢。我冇同佢聯終,唔想知佢家點,如果有機會見到,佢唔好大聲過我,因為佢真係冇資格大聲過我……但我唔想有咁嘅機會,根本就唔想見佢。我真係唔知佢咩心態,我真係好想知佢家見到新嘅仔女會唔會諗起我哋……我唯一肯定,佢唔正常!係正常嘅男人就唔會咁!

Sponsored Links

非會員才能看廣告~

記者行家話你寸,又有電視台 PA傳出嚟你埋位時會叫人「唔好阻住你」,知唔知自己曾經俾人呢啲感覺?

我唔知……好坦白話俾大家知,我拍劇嘅時候係好少同人傾偈 social, social唔係我嘅工作崗位,講好對白演好戲係我基本責任。我唔會吹水係真嘅,但會唔會叫我埋位時我話俾人阻住?對唔住!我好早已經準備好,你問任何一個同我合作過嘅導演同演員,我唔會咁扮嘢到最後一刻都話自己情緒未到…… sorry,我知自己咩位置,我只會上場盡力做好。

咁多年,你都知你自己咩位置?

梗係知啦!喺 02、 03年頭唱歌嗰陣時,我記得有一次自己做得最唔啱。當年第一次上《勁歌》,我好想同女朋友分享,但係當時唱片公司宣傳叫我唔好、太多記者……我一句話:「咩事吖?我鍾意吖!」我冇諗過佢感受吖,你明唔明?

Sponsored Links

好多傳言就係咁嚟,你有冇諗過一句「我鍾意吖」傳出去係點?

非會員才能看廣告~

所以係真嘅,以前我真係唔多記者朋友幫我,我唔係寸,但係我真係會黑面,鍾意就鍾意,唔鍾意就係唔鍾意。我家都唔係做得最好,但係我的確家學識咗去諗下人哋感受。

唔好再話我迷雲黨

41歲鄧健泓:「 TVB根本想我死,佢地有心玩死我,還定都唔做,我而家要爆內部D衰野出黎」

做歌手年代、跟志雲年代,你覺得你算唔算一朝得志語無倫次呢?畢竟得罪宣傳、話志雲係 Honey都係事業高峰時講出口?

我承認我未必做得最好,但我的確覺得當你最好嘅時候,好多人都想你死……所以呢啲時候特別多是非。 07年我由出邊返去 TVB,陳志雲知道我個人亂曬章而幫我,我都知道咁樣惹嚟好多閒言閒語,但係我真係要講多一次,我真係冇叫過陳志雲係 Honey囉!當時係查小欣俾咗八樣食物叫我揀,我話哈林大哥係辣椒,會令節目刺激、黃柏高係苦瓜,雖然苦澀,但佢真係幫到我、我話李詩韻係水,因為有情飲水飽,而蜜糖有療傷嘅功能,因為陳志雲重整咗當時最亂嘅我……好好喎!當日在場聽到嘅記者都冇嘢,完咗方力申仲打嚟讚我講得好好,點知第二日《蘋果》(日報)一句標題:「鄧健泓叫陳志雲做 Honey!」……所以都話,你哋要整死我,真係好容易!咁多年,我肯定試過喺記者面前黑面,但你哋要知個原因。不過亦都係因為我咁多年好過,亦都唔好過,令我明白一個道理,你對人好係應該,但係人哋對你唔好,並唔係你嘅錯!

非會員才能看廣告~

所以你有兩個事業高峰,一個係 Paco俾你,一個係志雲俾你?

兩樣嘢嚟嘅! Paco嗰個年代係靠我自己能力,當年佢搵咗三個有經理人合約嘅藝人試音唱一首主題曲,林峯、葉璇同埋我,係聽完我唱,佢話唔要我唱一首主題曲,要幫我出一隻碟!嗰日我真係開心到爆……陳志雲唔同在,係我唱過嘅歌、拍過嘅電影大家都唔記得,淨係記得黃馬褂,淨係記得我係迷雲黨……

講落係有啲慚愧,真係要俾你提一提,至記得你除咗迷雲黨都有其他作為……

係㗎,我係由零開始,由做兒童節目、旅遊節目,自己賺番嚟我第一隻唱片合約㗎!我所有努力都冇人記得,淨係記得我係迷雲黨!

陳志雲經歷過咁多,有智慧咁多,你有冇問佢,當全世界除咗你係迷雲黨乜都唔記得,仲可以點?

佢唔使講,我喺佢身上已經學到好多。唔需要理人哋點講㗎,做好自己啦!因為你嘅價值唔係出自人哋把口,你嘅價值你自己至知。

非會員才能看廣告~

你同無綫嘅關係,幾時開始急轉直下?係因為陳志雲離開,定因為你分手後唔肯同龔嘉欣再演情侶?

我未去到一個位置令佢哋覺得我唔聽話,係根本呢幾年(陳志雲離職後)佢哋就唔記得我嘅存在……

所以係真嘅,朝中有人好辦事,你仲唔係成也志雲,敗也志雲?

我唔可以咁講,敗也志雲呢句我唔同意, 07年上返軌道我係靠陳志雲,但亦都係咁大家淨係記住我係迷雲黨。所以 11年我好大膽去接受一個 40分鐘嘅獨角戲《獨坐婚姻介紹所》,呢個挑戰我唔接受,就真係抵人哋覺得我一世都要靠人哋先可以成功,抵人哋戴住有色眼鏡。我就係要人哋除咗副眼鏡……我唔會話自己時候未到成就一番大事,我淨係想俾人知我係一個演藝工作者,我靠嘅係自己......